Reserveren via
reservering@kerkje-ellesdiek.nl
of bel 0113612681
Psalm 1
Je bin goed af a je nie meeloôpt
mee bôze mènsen,
a je d’r tegenin gaet
a ze bôze plannen maeke,
a je nie anschuuft bie groôt en groôs.
Mè a je blie bin mee de anwieziengen
van d’n Eêuwigen,
a j’n eige dì nì richt,
aol z’n leven,
overdag en ’s nachs.
Dan bi je net as een boom
an de dulfkant, kort bie ’t waeter.
Zo’n boom draegt elk jaer vrucht,
z’n blaeren verdroge nooitNie goed za ’t gae mee slechteriken,
die bin nèt as kaf
dat a wegwaoit in de wind.
A d’n Eêuwigen recht doet,
bluuf t’r niks van ulder over.
Zô gaet ’t a je nie bie Um wil ore.
D’n Eêuwigen bewaert
wien a rechtvaerdig wil weze.
Wien a kwaed in de zin eit,
die z’n pad loopt doôd.
Psalm 23
Een psalm van Daovid:
D’n Eêuwigen zurg vò mien,
net zò as een erder
vò z’n schaepen zurgt.
Ik komme niks tekort.
Ie laet me leie in weien mee gos,
Ie brieng me nì weêle en welle.
Ik komme wì op krachten,
Ie stier me langs de goeie pad.
Ik è nie benauwd te wezen,
ook nie a ‘k zwaer in de pit zitte.
Wan Jie bin bie me,
Jie zurgt da me niks overkomt.
Zò bluve ‘k moed ouwe.
Bie Joe mag ‘k an taefel komme,
Ze zun ’t aol zie die achter m’ an zitte,
Jie schienkt vò m’n in.
Van Joe kriege ‘k zòvee liefde,
Jie maek me gelukkig.
Eêl m’n leven lank
wille ‘k dicht bie Joe weze