Zitterdaegen 10 en 11 mei
11.00 – 17.00 uur
Open mirregen voe de tentoanstellieng “Water lezen” mie werk van Leen van Duivendijk.
Saemen mie Kunstspeuren in de Zak
Leen van Duivendijk is gebore in Iezendieke in 1954 en weunt en werkt tegenworig in Middelburg.

In de jaèren 1976-1977 ei t’n z’n têkenakte in Middelburg ‘ehaele. In de periode 2018-2022 volgden ie  de opleidieng an de Koninklijke Academie voe Schone Kunsten in Antwerpen.

Ie is an’eslote bie ‘t Centrum Beeldende Kunst Zeêland, de Zeêuwse Kunstkring en Collectief Vier.

Belangriekste in z’n werk is “Water” in olieverve op doek. Spiegelieng, bewegieng, ritme, lijnenspel, verkleurieng, transparantie. Los van plekke, tied en context. Mondiaal en tiedloas. Een direct gevolg van gepassioneerd kieke en intens zië. Waeter as vriend en vijand in oans ecosysteem. Waeter dat a me motte bescherme, tegen vechte en omerme.

10 en 11 meie  Kunstspeuren in de Zak
11.00-17.00 uur
Zitterdag 10 en zondag 11 meie is t’r Kunstspeuren in de Zak, de Kunst- en Open Atelierroute in Borsele. In ’t Kerkje van Ellesdiek is de schitterende tentoanstellieng van Leen van Duivendijk 'Water Lezen" dit weekend voe ‘t leste te bewonderen. Vadder bin d’r prachtige beelden en spullen te zien van Carlo van Gremberghe. Deze kunstenaèr werkt mie brons, steên en out.
Op zitterdagmirreg 10 meie is t’r bovendien meziek in 't Kerkje; het Amari Trio speel vrolijke klezmer en Ierse folk. Toegank voe niks.

Weunsdaegen en zitterdaegen van 21 meie toet en met 28 juni 13.30 – 16.00 uur
Zummertentoanstellieng “Kleur Rijk” mie werk van Nanda van der Vliet
Nanda van der Vliet is gebore in Amsterdam in 1959. Ze is autodidact kunstenaèr. Voe eur is schildere gevoel, gedachten en de diengen om eur eigen weergeve mie kleur en beeld. Ierbie bin mens en natuur eur onuitputtelijke inspiratiebronnen.

Ze schildert graag “nat-in-nat” mie paletmes of ‘n groate kwaste, mè ze experimenteert ok mie andere technieken en materialen. Ze werkt graag mie olieverve en acrylverve. Acrylverve voraol deur de snelle droôgtied en de vele meugelijk’eden om te experimenteren en te combineren mie andere materialen.

Deze tentoanstellieng lit geabstraheerde landschappen zie. ‘t Gebruukte materiaal is olieverve in combinatie met cold wax. ‘t Gebruuk van de cold wax geeft de olieverve zô ‘n structuur dat ‘r eigenlijk alleên nog mie paletmes en spatel ‘ewerkt kan worre op ‘n arde ondergrond. Het gekoze kleurenpalet zet ‘t landschap in ‘n andere dimensie.